Les mots surlignés font l'objet d'une note
1Monseigneur, jay baillé le pris faict des reparations des couvertz de Grane, suyvant
2la commission de monsieur de Granieu et luy ay envoyé le tout. Il ne reste
3quen avoir largent et lequel est de besoing quil face promptement
4delivrer parce que comme je luy escriptz, si les attraitz de tuilles et bois ne
5sont promptement acheptez à tout le moins dans dix ou quinze jours, on
6ny pourra rien faire avant l’iver ; parquoy je vous supplie luy en escripre
7une bonne lettre, car comme vous scavez, ses gens des finances sont
8de dure dessert. Et jespère avec layde de Dieu, que le tout sera
9faict pour la Sainct Luc. Je vous supplie aussi faire mectre sus ung
10bateau les grosses postz de la grand’porte que vous avez faict faire
11à Laval. Il ne se dict rien icy, mesmes de la guerre et est
12lardeur de noz huguenotz presque refroidye. Je vous scay dire
13que ma damoiselle d’Ourche faict bonne chère et que les nopces de ma
14damoiselle Du Teil furent faictes il y eust dimenche huict jours.
15Surce, je me recommande très humblement à vostre bonne grace et prye
16Dieu,
17Monseigneur, vous avoir en sa saincte garde. De Chabrillan, ce Ve de
18aoust 1572
19Vostre très humble serviteur
20L. de Brianson